ಅಮಲು
------

ನಿನ್ನೊಲವೆ೦ಬ ಅಮಲು ಹತ್ತಿದ 
ನಾನೊಬ್ಬ ನಿರ೦ತರ ಕುಡುಕ
ನಾ ತೊರೆದರೂ, ತಾ ಬಿಡೆನೆ೦ದು
ಕಾಡುವ ಆ ಅಮಲೊ೦ದು
ಸುಮಧುರ ಚಟವೆನಗೆ

ನಲ್ಲೆಯ ವಿರಸ
-----------

ನಿನ್ನ ಕ೦ಡ೦ದಿನಿ೦ದ
ಕನಸಿನಲ್ಲೂ ಚ೦ದ್ರನ ನೆನೆಯದ ನಾನು
ಇ೦ದು ಹಿ೦ಡು ಕಾರ್ಮೋಡಗಳ
ದಾಳಿಗೆ ತುತ್ತಾದ ನಿರ್ಗತಿಕ

ಬೆಕ್ಕಿನ ನಿದಿರೆ
-----------

ಹಗಲೇ ನಿದಿರೆಯಲಿ ನಿರತವಾಗಿದೆ ಮಾರ್ಜಾಲ
ಸಿಹಿಗನಸುಗಳ ಮೃದು ದಾಳಿಗೆ ಮಗು ನಗೆಯ
ಹೊತ್ತ ಮುಖಾರವಿ೦ದ

ರಾತ್ರಿಗೆ ಮುಚ್ಚಲು ಮರೆತು ತೆರೆದಿಟ್ಟ ಹಾಲಿನ
ಬಟ್ಟಲನು ನೆನೆದು. ತುಟಿಗಳಾಚೆಗೆ ಸರಿಯಬಹುದಾದ
ಜೊಲ್ಲನೊಮ್ಮೊಮ್ಮೆ ಮು೦ಗೈಯ್ಯಲೇ ತೊಡೆದು.

ಮೂಷಿಕಗಳ ಕಿಚಿಪಿಚಿಗೆ ಗರುಡಗಮನದಲಿ
ನಿಮಿರುವ ಕಿವಿಗಳು. ಶ್ವಾನಗಳ ಹೆಜ್ಜೆಸದ್ದನು
ನೆನೆದು ಮುಖವನ್ನಾಗಾಗ ಕಿವುಚುತ್ತಾ.