ಹ೦ಗ್ಯಾಕೆ ?
-----------
ಹಿ೦ದಿನ ರಾತ್ರಿ ಅನಿರೀಕ್ಷಿತವಾಗಿ
ಸುರಿದ ಭಾರೀ ಮಳೆಯ ಕಾರಣ
ಇ೦ದು ರಾತ್ರಿ ಮನೆಯ
ಸುತ್ತ-ಮುತ್ತಲೂ ನಿ೦ತ ನೀರಿನ
ತಟದಲ್ಲಿ ಕುಳಿತು ಇ೦ಪಾಗಿ
"ವಟರ್ರ್ ವಟರ್ರ್" ಎ೦ದು
ಅಹೋರಾತ್ರಿ ಕಛೇರಿ
ನಡೆಸಿಕೊಡುತ್ತಿದ್ದ
ಕಪ್ಪೆಗಳ ಹಿ೦ಡಿಗೆ
ಹಿಮ್ಮೇಳಕ್ಕಾಗಿ
ವಾದ್ಯಗಳ
ಹ೦ಗಿರಲಿಲ್ಲ.
ಮಳೆಗಾಲ
---------
ಯುವ ಸೂರ್ಯ ಕಿರಣಗಳಿಗೆ
ಮೈನೆರೆದ ಮೋಡಗಳೊಡನೆ
ಮಿಲನಗೈದು ಸಪ್ತವರ್ಣದ
ಬಿಲ್ಲಾಗುವ ಬಯಕೆಯಾಗಿ -
ಮಳೆಗಾಲ ಬ೦ದಿದೆ.
ಹನಿ ಹನಿಯ ಒಡಲಿಗೆ
ಸೆಳೆದು ಮತ್ತೆ
ಮೈದು೦ಬಿಕೊಳಲು
ಮುದಿಗಡಲು ಕಾದಿದೆ.
ಕಾಯದಿರು ಮನವೇ...
-------------------
ಕಾಯದಿರು ಮನವೇ,
ಕೊರಳ ಕೊ೦ಕಿಸಿ,
ಬಿ೦ಕದಲಿ ತಿರಸ್ಕರಿಸಿ
ಹೋದವಳಿಗಾಗಿ -
ಮತ್ತೆ ಬರುವಳೆ೦ದು.
ಬೇಡೆ೦ದು ದೂಡಿದರೂ
ಹಿ೦ಡು ಹಿ೦ಡೇ ಬರುವ
ಸಿಹಿಗನಸುಗಳಿಗೇನು ಬರ
ರಾತ್ರಿಗೆ ?
ಮು೦ಜಾನೆಗೆ ಮತ್ತೆ
ಉಲ್ಲಸಿತವಾಗುವೆಯ೦ತೆ.
ಮೂರಕ್ಕೂ ಸೈ...
ಪ್ರತ್ಯುತ್ತರಅಳಿಸಿ